認同

睇<信報>既曹先生寫財濟專欄，學左好多野，由初初乜都唔識盡信，到依家開始識多左同開始有自己睇法。雖然自己既睇法好多時同曹先生唔同，最後好多時亦證明自己既睇法係錯既，但至少係一個好既開始。

一月十一日<信報>既曹先生有以下睇法，少有地小小力係認同既:

去年10月內地人壽保險市場，國壽已佔46%，進一步擴大市場佔有率機會有幾大？國內人壽保險市場經過多年發展，到2005、06年增長率只有15%，假設今年國內壽險市場保持年率15%速度上升，能否支持二百倍F/E嘅國壽股價再升150%（內地評論員話後市睇一百元）？國壽A股較香港H股溢價高52%。

去年5月金價升至七百三十美元後，首飾業對黃金需求大減，令黃金去年下半年成為投資工具：黃金消費市場（首飾業）出現萎縮。今年金價回落到接近六百美元，主因係上周歐洲央行拋售二千五百萬歐羅黃金（約一點六噸）：加上日經平均指數自去年4月起回落，日圓弱勢，日本去年下半年已唔再係黃金大買家，國際金價支持來自印度，因印度股市至今仍興旺。至於中國，未見人行增持黃金，而中國人對黃金嘅興趣亦唔見大增。今年金價極受印度股市影響，如印度股市今年回落，恐怕金價六百美元失守：如印度股市繼續興旺，黃金今年繼續玩上落市。