09年9月結

總結於2009年9月30日。
陽光房地產(435)30000股市值$54,900
中核國際(2302)10000股市值$88,000
中國財險(2328) 10000股市值$53,300
金山軟件(3888)7000 股市值$50,890
現金$135648.35
資產淨值HK$382,738.35。九月份回報率+1.18%。同期恆生指數回報率+5.97%，表現跑輸大市。九月投資係賺錢，但一如以往入不敷支，所以回報率仍然係正數已經好難得。
十月傳統跌市.....

小孩子基金
總結於2009年9月30日。
現金$68450.13
資產淨值$68450.13。八月份回報率+1.15%，表現跑贏輸大市。

止蝕

幫小孩子基金止蝕，@4.55賣出10000股葉氏化工(408)。因為冇乜成交，有點中伏既感覺。

平手

@$2.97賣出6000股新華文軒(811)，平手輸手續費。可能要好長命先睇到佢升。根本上買入咁耐都係原地踏步!!
@$1.74賣出10000股中國稀土(769)，賺$700，或者4%。稀土價格升，中國有心整頓稀土市場，但唔代表每間經營稀土既公司都有所作為。中國稀土截至6月底上半年度盈利2101萬港元，每股0.0148港元，僅及去年同期的9.4%。不派中期息，去年有0.01港元。期內營業額下跌36%，毛利更大挫逾七成。
有賺已經偷笑!! 或者遲D價低再買過!!

冇成交

幫小孩子基金@4.67買入10000股葉氏化工(408)。之後，呢隻股每日既成交量得返大約20000股。我已經佔每日既成交量一半。冇哂成交，有點中伏既感覺。

短炒王

中國生命(8296)原本打算做長線投資，但真係短線升得過急。已經有點過貴，以招股價$0.72計P/E都218倍，股價$2.9已經係878倍!! 咩往績都冇風險都好高下!! 發行6億股，得1.7億股在市場流通，但每日成交竟然有大約2.8億股，真係一日炒幾轉!! 你估係唔係背後有人做緊嘢呢?? 鱷口偷金，見好就收囉!!
@$2.9走哂20000股!! 賺$33200，回報率133%!! 只係持有五日，真真正正短炒王!!
賣出後，五分鐘內升到$4.2 (+ 44.8%)，再過五分鐘跌返落$2.7(-35.7%)!! 風險之高，唔係普通人可以承受得到!!

一個投機者的告白

德國股神安德烈•科斯托蘭尼講過幾句說話，印象頗深刻!!

第一 :
男子帶著狗在街上散步，狗兒先跑到前面，再回到男人身邊。接著又跑到前面，看到自己跑得太遠，又再折回來。反反覆覆，最後男子和狗同時抵達終點，男子走了一公里，而狗兄跑前跑後地走了四公里。
男人就是經濟，狗則是股票市場。然而，長期來看，證券市場無法脫離經濟。

小小力 : 股市短期脫離經濟，長期應該接近同步，短線投機者只係偷緊狗跑到男人前面的一段距離。

第二 :
在出現不利消息時，市場並沒有下跌，是行情已接近最低點的徵兆。
當最後的樂觀者變成悲觀者，當傳媒氣氛變得非常負面時，便是市況見底的跡象。

小小力 : 有效又簡單的測底方法，係一個人性同心理問題，當貨入強手，就會止跌回升。

第三:
貨幣供應 + 心理 = 趨勢

小小力 : 注意貨幣供應，M2，即市民持有的法定貨幣（包括紙幣及硬幣）與銀行客戶的活期存款。再加上銀行客戶的儲蓄及定期存款，以及由銀行發行並由非銀行持有的可轉讓存款證。

第四:
恐慌性拋售就像在電影院裡，有人喊著火了，於是所有人衝向唯一的逃生門。結果是雖然連一根火柴也沒有點著，卻出現了傷亡人士。

小小力 : 要認清自己的投資項目，恐慌性拋售反而可能係入市時機!! 因為根本連一根火柴也沒有點著!!

第五:
決定是否出售某隻股票跟買進價格沒有關係，而是取決於未來的發展。

小小力 : 唔好因為買入價阻礙決定，沒有前景的股票輸都要沽!!

第六:
一個沒有耐力的投機者雖然有理，但永遠為之太晚。

小小力 : 耐力，和收養有關!! 收養和睇得多投資書無關!!

第七:
股市上的「消息靈通」經常是「毁滅」的代名詞。

小小力 : 唔好靠聽消息黎做買賣，要靠分析!!

長長久久

09年09月09日，@$1.24買入20000股做殯儀服務的中國生命(8296)。收市$1.04，單日已經唔見左$4600。真係要長長久久。畢竟我對70%毛利率既殯儀服務生意都好有興趣同信心。再跌就再買囉!!