真定假

大市一下子升穿16000 點,好似一D抗力都冇!!持續發佈既經濟數據顯示經濟環境仍然繼續惡化,只係惡化既速度稍為減慢,但已經令股市大升!!點解呢??小小力相信經濟仍然持續下滑,速度減慢但離底還遠!!做生意既朋友示從訂單睇未來一年環境都冇顯著改善,當中有好多都支持唔住要結業。雖然話股市通常行先經濟六個月,但真係睇唔到六個後有咩好境。
「 美國總統奧巴馬表示,需要保障信用咭持有人,透過立法禁止不公平的徵費,罰則,以及增加透明度。」
信用咭收息作為罰款, 係保障番發咭機構,補償信用咭持有人違約風險(唔還錢),係好正常!息高因為風險高!!如果信用咭持有人準時還款咁係冇問題,罰款再高都唔關你事!!連總統都出聲,顯示信用咭持有人唔準時還錢既問題都好嚴重!!爆....只係遲早問題!!
呢個環境,支唔持到股市大升呢??
建議冇貨既唔好追,有貨既唔好放住,...或者仲可以癲多陣呢??
至於其餘行業股票,有以下睇法:
內地銀行股 – 息差收窄,呆壞帳偏高,現股價偏高,回30%再考慮!!
內地保險股 – 銀行加入競爭,債券收益下跌,影響盈利,現股價偏高,回10%再考慮!!
石油石化股 – 油價價維持在40-60美元水平,對只有上游業務企業較不利,...上下游業務兼並企業中性,不過不失!!
煤炭股 – 需求下降,煤價下降,現股價唔睇好,回30%再考慮!!
內地房地產股 - 需求下降,土地儲備變成負資產(唔用要俾D乜費物費),...回30%都唔考慮!!
內地電信股 – 營業環境改變,完全唔睇好!!
內地資源股 – 經濟環境唔好,資源股都係上上落落,冇投資價值!!(但有投機價值!!)
內地航空股 – 從來唔睇好,現在都不例外!!
內地航運股 – 航運物流業重傷,仍未康復,.....長遠係可以考慮!!
內地基建股 – 毛利率超低,比國際行業水平仲低,做100元生意大約賺2元,但有投機價值!!
內地水泥股 – 基本上有需求但競爭大,...冇乜公司有特別優勢!!
內地汽車股 – 我睇好有增加需求,但邊間好呢??
內地資訊科技股 – 政府支持,民間亦有增加需求,將會爆上!!
內地醫療股 – 內地醫療改革,有利某D醫療股.....但關繫到民生,利潤會接嚴格監控!!
內地鋼鐵股 – 暫時唔睇好!!
內地環保概念股 – 雖然政府支持,但能源價格向下,冇乜動機/刺激去做大!!
內地食品股 – 中國人對品牌不大關心,糧食關繫到民生,....相信唔會爆上!!
內地農業股 – 幾時聽過農民發達??
內地消費品股 – 中國人消費力正在提升,但暫時都係集中於低檔次消費,長遠中國人既性格會唔會改變??真係唔知!!
賭業股 – 從事賭業既朋友越黎越多無薪假,你話呢??
本地銀行股 – 係冇乜生意啫,冇乜風險既!!
本地地產股 – 不如買樓,可以收租!!
本地公用事業股 – 不如唔好買股票,風險仲低D!!
本地收租股 – 經濟唔好,租金會唔會升??
仲有冇??