09年1月總結

總結於2009年1月31日。
中國銀行(3988)40000股市值$82,800
中國神華(1088)4000股市值$85,000
金山軟件(3888)5000股市值$13,650
SOHO中國(0410)5000股市值$14,100
洛陽欒川鉬業(3993)5000股市值$16,050
工商銀行(1398)13000股市值$43,550
匯豐環球投資基金 – 俄羅斯股票市值$18,171.36
現金$36,829.36
資產淨值 HK$310,150.72。一月份回報率-11.11%。同期恆生指數回報率-7.7%，表現跑輸大市。
信我， 市係救唔到既， 無論用咩方法！！只有美國樓市見底， 經濟先有望恢復！！
Cash is King!!

小孩子基金
總結於2009年1月31日。
現金$15,860.28
資產淨值HK$15,560.19。一月份回報率+1.93%，表現跑贏大市。

2008年總結

總結於2008年12月31日。
中國銀行(3988)40000股市值$84,800
中國神華(1088)4000股市值$65,600
太古A(0019)1000股市值$53,350
金山軟件(3888)10000股市值$25,800
SOHO中國(0410)5000股市值$16,650
洛陽欒川鉬業(3993)10000股市值$35,200
網龍(777)5000股市值$14,500
工商銀行(1398)13000股市值$53,040
匯豐環球投資基金 – 俄羅斯股票市值$20,989.99
現金$5,000
負債$25,996
資產淨值HK$348,933.99。十二月份回報率+5.36%。同期恆生指數回報率+2.01%，表現跑贏大市。總結2008年全年基金回報率-56.92%，同期恆生指數回報率-48.27%。展望2009年第一季都係現金為皇。希望上到16,000 點就作出減持。金價700美元以下留意黃金ETF。
2008年還推介左西王糖業(2088)，推介市盈率係11倍，股價$4.00。到今日市盈率係2.48倍，股價$1.20。你敢唔敢買?

小孩子基金
總結於2008年12月31日。
網龍(777)2500股市值$7,250
現金$8,310.19
資產淨值HK$15,560.19。十一月份回報率+4.54%，表現跑贏大市。

十一月結

總結於2008年11月28日。
中國銀行(3988)40000股市值$98,000
中國神華(1088)4000股市值$58,000
太古A(0019)1000股市值$52,000
金山軟件(3888)10000股市值$22,200
SOHO中國(0410)5000股市值$12,500
洛陽欒川鉬業(3993)10000股市值$28,300
網龍(777)5000股市值$13,150
工商銀行(1398)13000股市值$49,400
匯豐環球投資基金 – 俄羅斯股票市值$21,142.55
現金$1799.89
負債$25,311.65
資產淨值HK$331,180.79。十一月份回報率+10.64%。同期恆生指數回報率-1.06%，表現跑贏大市。策略都係短線為主，表現好唔好係睇你選唔選 中反彈既主角。至於大市係唔係已經見底??股市通常走前經濟六個月,你信唔信2009年上半年經濟已經走出谷底呢??但聽講經濟衰退既指數先剛剛出現.....,展望十二月股市回穩,能源股會高少少。
小孩子基金
總結於2008年11月28日。
網龍(777)2500股市值$6,575
現金$8,310.13
資產淨值HK$14,885.13。十一月份回報率-2.84%，表現跑輸大市。
國內網絡遊戲市場正在增長,但網龍盈利反而下降，因為公司原先受歡迎既幾隻遊戲受歡迎程度下降,加上冇新遊戲開發，食老本情況下盈利下降屬好正常既事。網絡遊戲市場屬於極高競爭行業, 表現好壞可以差好遠,同期同行業既金山軟件(3888)盈利上升2.4倍。我相信網龍應該係一個錯誤既選擇，但賣唔賣分別都唔大。

石油股

以前,曾經講過,石油股會選中海油(0883)而唔會選中石油(0857)。 但時移世易,依家會選中石油(0857)。
首先,中海油(0883)係純上游業務既石油公司,即開採及銷售原油,油價越升盈利越高。其次係中海油開採既係海洋石油,開採成本較陸上開採多大約20%,當原油價格下跌至60美元,毛利率將大幅收窄!!再其次手上只有223億現金,相當於每股$0.5,現價$5.05,相對現金流比較弱,在信貸收縮既環境下,比較危險!!
中石油方面,係一間兼有上游及下游業務既石油公司,既有開採及銷售原油,亦有銷售成品油(即油站既電油)。當原油價格下跌,原油銷售盈利雖然下跌,但成品油銷售帶來既盈利可以抵消原油銷售既盈利損失。原油價格在50至60美元會係最高盈利範圍。加上內地有消息提升成品油售價,及中國有戰略石油儲備需要,另中石油盈利方面有保證。最後,中石油手上有600億現金,相當於每股$3.5,現價$5.57,有足夠現金流!!

短打

依家呢個環境，有得賺少少好走。
$6.2放左5000股$5買入既中國高速傳動(658)，賺$6000，回報率24%。
$3.6放左6000股$2.6買入既中國南車(1766),賺$6000，回報率38.5%。
呢兩個都係好股,遲D會買番!
個人認為依家未係時候買入呢D股票作長線投資。
暫時維持短打策略。

更正

中國神華(1088)持有現金應該係609億，而公司以每股$14.2計，市值應該係480億，物超所值。

十月結

總結於2008年10月31日。
中國銀行(3988)40000股市值$88,400
中國神華(1088)4000股市值$56,000
太古A(0019)1000股市值$53,500
金山軟件(3888)10000股市值$20,000
SOHO中國(0410)5000股市值$11,250
洛陽欒川鉬業(3993)10000股市值$23,400
網龍(777)5000股市值$16,750
中國南車(1766)6000股市值$16,440
工商銀行(1398)13000股市值$46,020
中國高速傳動(658)5000股市值$30,000
負債$62,440.58
資產淨值HK$299,319.42。十月份回報率-23.13%
資產淨值HK$389,400。九月份回報率-27.49%，同期恆生指數回報率-21.41%，表現跑輸大市。
十月份於13000點買入過中國銀行(3988)同工商銀行(1398) ，早左！ 之後，於10000買入中國高速傳動(658)，因為被洗倉後相信股價跌過龍!
講過十月份冇眼睇 ！經過一輪急跌，好多股票已經可以慢慢買入!其中，推介中國神華(1088)，曾經一度跌至$7.9。但事實神華每股資產淨值$3.5，然且水份唔多，當中有60億現金（每股$1.76)，加上雖然經濟放緩，但煤炭需求仍大，盈利仍然 有增長，$10以下值得長線投資。
小孩子基金
總結於2008年10月31日。
網龍(777)2500股市值$8,375
現金$6,946.39
資產淨值HK$15,321。十月份回報率-19.05%，表現跑贏大市。因為都好難再大跌！
十一月份，相信仍舊向下走，恆生指數穿10000。

九月結

總結於2008年9月30日。
中國銀行(3988)30000股市值$88,500
中國神華(1088)4000股市值$74,000
太古A(0019)1000股市值$67,400
金山軟件(3888)10000股市值$20,800
SOHO中國(0410)5000股市值$12,900
洛陽欒川鉬業(3993)10000股市值$33,800
網龍(777)5000股市值$24,000
中國南車(1766)6000股市值$17,700
現金$53,300
負債$3,000
資產淨值HK$389,400。九月份回報率-27.49%，同期恆生指數回報率-20.63%，表現跑贏大市。每次都選中被洗倉股，無話可話。
小孩子基金
總結於2008年9月30日。
網龍(777)2500股市值$12,000
現金$6,926.39
資產淨值HK$18,926。九月份回報率-8.45%，表現跑贏大市。
十月份，外遊，冇眼睇！

哀鴻遍野

恆生指數兩日跌差不多1800點（差不多10%)！哀鴻遍野，死傷枕寂!可能就快有人窗口當門口..........!
最傷既唔係持貨既投資者，而係不斷入市撈底o個D!持貨既，最多輸哂持貨既錢。撈底？撈極都未見底，無底深潭黎呀！
美國政府挽救AIG，表示AIG冇辦法o係市場集資！美國政府救完一間又一間，出事既一間接一間。但咁救法，治標不治本，點算？
個人覺得，距離底應該仲有一段路！我個人喜歡用中國移動(0941)做一個標準。中國移動後最高位跌七成，即$48!! 現價$70，個人覺得，見底？還早呢！

兄弟

全美第四大投資銀行雷曼兄弟宣佈申請破產保護，全球金融市場應聲下跌。之後，另一間投資銀行美林宣佈被美國銀行收購，基本上名存實亡。再之後，世界最大保險集團AIG宣佈有需要大規模注資，如果失敗相信三日內要宣佈申請破產保護。
在中國，人民銀行宣佈減息，係六年來首次，顯示中國政府都發現 內地經濟開始放緩。
最壞既時刻，在2008年中秋節，由這兄弟揭開序幕。

跌穿招股價

股市又大跌，跌至19398 點，係18個月既底位！ 但相信仲未到底。 不過 買，到接近底，大價股狂跌，細價二線股已經跌無可跌，反而開始
回升，信唔信！
個人相信可以分段買番Ｄ二線股！例如Ｄ呢一兩年新上市又已經跌穿招股價，底P/E既！ 洛陽欒川鉬業(3993)，中國中鐵(0390)，仲有匯豐環球投資基金-俄羅斯股票。

救兩房

美國政府宣佈託管(唔係接管)兩房（房利美 Fannie Mae 及房貸美 Freddie Mac) ，市場解讀為好消息，有助穩定樓市，刺激全球股市大反彈。
但，小小力認為，冇錯！政府託管，兩房唔會再破產。但樓價係唔會 升番，冇錢供樓既人繼續冇錢供樓，繼續負資產。兩房承擔18000億美元樓按貸款，一成壞帳1800億美元美國政府都好難頂。結果係美國政府又狂印銀紙，美元再大幅貶值，資產（包括樓）價格再下跌，冇錢供樓既人更多，負資產既人更多。
所以，政府宣佈託管兩房，不單冇解決問題，而且將問題加深，只 係將痛苦延長！問題解決既一日，就係樓價跌到超底，終於有好多人願意買既時候，到時真係死得人多！！
會係幾耐呢？
美國政府宣佈託管，第二日，美國股市升3﹪，但兩房股票跌80﹪！

搵笨

個人仍舊相信地球的污染日益嚴重，可供人類飲用的水源愈見珍貴。開發乾淨的水源，已成為今日的世界性重要課題，但如果投資者可把握機會，從中發掘投資機會的話，會是財富的新水源。繼黑金（石油）黃金之後，藍金將會係另一個重要商品！
2007年3月，基金曾經以US＄10買入法興全資附屬公司領先資產管理，一隻投資於水資源行業的基金，名為領先動力水資源基金。
之後，因為世界投資環境改變，於2007年年尾以US＄9.3賣出減少損失。
今日，再睇番呢隻基金，現價US＄7.83。輸唔係問題，好多股票輸得多過佢。問題係睇番佢既投資組合。五大投資項目係SWISSCOM N(電訊業)佔資產百分比9.82%，NESTLE NOM.(消費用品)佔資產百分比9.68%，ROY PHILIPS ELECTR(電器業)佔資產百分比9.26%，TELECOM ITALIA(電訊業)佔資產百分比9.23%，JULIUS BAER HLDG(金融服務)佔資產百分比8.88%。五大投資項目共46.87%，加埋佔資產百分比6.28%既債券！ 有53.15%既投資係同水資源行業冇關，餘下既48.85%亦唔一定同水資源行業有關，點解可以咁？ 要買電訊業金融服務業我洗乜買呢隻基金？感覺好似完全冇監管咁！搵笨!
好彩走得快，以後法興／領先呢個牌頭都怕怕！

八月結

總結於2008年8月31日。
中國銀行(3988)30000股市值$101,700
中國神華(1088)4000股市值$108,000
太古A(0019)1000股市值$78,500
金山軟件(3888)10000股市值$29,500
SOHO中國(0410)5000股市值$20,500
中國重汽(1808)2000股市值$13,240
遠洋地產(3377)1000股市值$3,880
洛陽欒川鉬業(3993)10000股市值$51,400
株洲南車(3898)10000股市值$65,000
網龍(777)5000股市值$28,000
中國南車(1766)6000股市值$18,780
現金$18,517
資產淨值HK$537,017。八月份回報率-0.72%，同期恆生指數回報率-7.06%，表現跑贏大市。預期中既八月反彈並冇出現，反而某D股票理因不明 咁大幅下跌。例如中國移動(941) 咁, 八月份下跌16.1%, 網龍(777) 八月份下跌45.63%, 呢Ｄ股票, 基本因素冇乜大變, 但被瘋狂沽售,真係意料之外。展望九月只係冇力既小反彈！短線都係每次反彈沽貨, 但長線有Ｄ股票已經可以慢慢收集。例如洛陽欒川鉬業(3993)現價$5.14, 從一年最高位$21.4已經回跌76%,中國財險(2328) 現價$4.47, 從一年最高位$17.92已經回跌75%。從長線角度, 一D基本因素冇乜大變既股票, 從最高位回跌70%以上已經可以買!
小孩子基金
總結於2008年8月31日。
網龍(777)2500股市值$14,000
現金$6,675
資產淨值HK$20,675。七月份回報率-21%，表現跑贏輸大市。

七月結

總結於2008年7月31日。
中國銀行(3988)30000股市值$107,400
中國神華(1088)4000股市值$116,800
太古A(0019)1000股市值$83,950
金山軟件(3888)10000股市值$33,900
SOHO中國(0410)5000股市值$23,150
中國重汽(1808)2000股市值$16,460
遠洋地產(3377)1000股市值$5,180
洛陽欒川鉬業(3993)10000股市值$64,000
株洲南車(3898)10000股市值$73,500
網龍(777)5000股市值$46,250
現金$1,585
流動負債
負債$39,020
533155
資產淨值HK$533,155。七月份回報率-3.47%，同期恆生指數反彈,回報率2.22%，表現跑輸大市。 恆生指數反彈, 但只係小數股票受惠！展望八月反彈持續到月中，之後又跌過！
小孩子基金
總結於2008年6月30日。
網龍(777)2500股市值$23,125
現金$3,050
資產淨值HK$26,175。七月份回報率-9.11%，表現跑贏輸大市。

選基金

節錄自《信報》，值得參考。

長短棍

本來一都唔善長短打，但咁既時勢真係冇乜辦法。７月２日以＄16.1 放出5000股中國高速傳動(0658)，回報率11.2﹪。
現在繼續忍手，就算有反彈相信應該係機會減持而唔係增持，因為今年終極底位應該未出現。
仲有，早前估計中移動(00941)既買入價應該係$99，現在相信會更底。
不過我相信遲下會買番中國高速傳動(0658)，因為呢隻初終係好股，現價＄1３.76，等下喇！

六月結

總結於2008年6月30日。
中國銀行(3988)30000股市值$104,100
中國神華(1088)3000股市值$91,800
太古A(0019)1000股市值$79,750
金山軟件(3888)10000股市值$40,000
SOHO中國(0410)5000股市值$21,250
中國重汽(1808)2000股市值$15,080
遠洋地產(3377)1000股市值$4,400
洛陽欒川鉬業(3993)10000股市值$66,600
中國高速傳動(0658)5000股市值$80,000
株洲南車(3898)10000股市值$64,700
網龍(777)5000股市值$51,500
現金$2,950
流動負債
負債$69,798
資產淨值HK$552,332。六月份回報率-12.3%，同期恆生指數回報率-9%，表現跑輸大市。 主要原因係投資組合主力表現奇差。 中國神華(1088)回報率-13.3%, 太古A(0019)回報率-11%, 洛陽欒川鉬業(3993)回報率-23.9%,中國銀行(3988)回報率-12.2%。四大主力表現均大幅落後，展望七月會有反彈。
小孩子基金
總結於2008年6月30日。
網龍(777)2500股市值$25,750
現金$3,050
資產淨值HK$28,800。六月份回報率-3%，表現跑贏大市。因為網龍(777)相對較穩定。

忍手

股市大跌，暫時應該脫離左上上落落既局面，進一步走底，但我相信應該未係時候底買。以中移動(00941)作指標，買入價唔係報紙雜誌所講既支持位$104，而係$99! 中國人壽(02628)則係$26!
當然，呢個只係我既睇法，又睇下點??
如果要買呢兩隻，又會唔會考慮PE十倍既匯豐(00005)，又或者長遠回報率穩定，PE得3.2既倍既冠軍產業(02778)呢??
呢個時候，都係睇同講好過買喇!!又或者，小小注，大大聲囉!!
P.S. 3G版iPhone(4GB)都唔洗$2000，其他手機都實跌價，真係要忍手，連手機都唔洗買。

五月結

總結於2008年5月30日。
中國銀行(3988)30000股市值$119,400
中國神華(1088)3000股市值$104,400
太古A(0019)1000股市值$89,050
金山軟件(3888)10000股市值$37,800
SOHO中國(0410)5000股市值$24,500
中國重汽(1808)2000股市值$19,700
遠洋地產(3377)1000股市值$6,950
洛陽欒川鉬業(3993)10000股市值$85,700
中國高速傳動(0658)5000股市值$68,500
株洲南車(3898)10000股市值$77,700
網龍(8288)5000股市值$52,000
現金$5,050
流動負債
負債$60,656
資產淨值HK$630,094。五月份回報率11.4%，同期恆生指數回報率-5.6%，表現跑贏大市。展望六月都係上上落落，有待突破。
小孩子基金
總結於2008年5月30日。
網龍(8288)2500股市值$26,000
現金$3,050
資產淨值HK$29,050。五月份回報率-12.8%，勁失敗!! 表現大大跑輸大市。因為資本太少，無法分散風險。

尋寶

對鐵路相關股票情有獨鐘，但暫時買中國中鐵(0390)同中國鐵建(1186) 都未係時候，遲Ｄ喇！！ 基金＄8.00買入10000株洲南車(3898) 。睇番2007年3月呢隻半新股原來都做緊$12.3!! 屬於平!!其實最近要尋寶，可以留意番呢兩年曾經升得好勁既半新股，有好多都好平好值得買！基金最近買既網龍(8288)，中國高速傳動(0658)，株洲南車(3898)，洛陽欒川鉬業(3993)都係呢類！

進退失據

$11.40買入5000股網龍(8288)，$8.58買入10000股(3993)洛陽欒川鉬業，$14.48買入5000股(0658)中國高速傳動。另外捐$5000震災。壞孩子基金資本減 至＄588,453。
網龍(8288)剛公佈第一季業績，比去年同期多賺20﹪，但被市場解讀為 未如理想，股價跌14%，比上市時$13.1大底水，所以算平。
至於其他，雖然都係中長線投資目標，但應該買早左，有點進退失據。

小孩子基金

分拆$33300到仔仔既小孩子基金！作為仔仔將來讀書之用。
小孩子基金$12.1買入2500股網龍(8288) 。

失敗

$7.50放出中國中鐵(0390)18000股,$7.50放出中國中材(1893)10000股,$12.3放出中國鐵建(1186) 6000股!!
合共賺大約$25000!!
但失敗既係,放出之後3隻都繼續升,但基金內其他都跌!!
尤其係中國鐵建(1186),一放就創新高!!
真失敗!!

四月結

意料之外，四月唔單只比較三月好少少， 係突然轉向！
壞孩子基金都追番Ｄ。
總結於2008年4月30日
中國銀行(3988)30000股市值$119,400
中國神華(1088)3000股市值$107,400
太古A(0019)1000股市值$91,150
中國中鐵(0390)18000股市值$134,280
中國中材(1893)10000股市值68,000
金山軟件(3888)10000股市值$32,200
SOHO中國(0410)5000股市值$24,450
中國重汽(1808)2000股市值$19,040
遠洋地產(3377)1000股市值$6,430
中國鐵建(1186) 6000股市值$72,600
現金$34,300
流動負債
負債$82,497
資產淨值HK$626,753
四月份回報率5.85%，同期恆生指數回報率13%，表現跑輸大市。
展望五月波幅減少，奧運將至，穩定壓到一切！

沈悶的四月

四月，好沈悶，冇乜好投資項目，又冇乜大變化影響長遠投資計劃，月初，將部分錢轉左做人民幣，到月尾轉番過黎，咁都有回報!!!真係奇…人民幣再升，會影響國家經濟，政府唔可以再加息，咁A股應該仲有得升下，港股反彈應該都仲未完!!
至於港股，留意緊(8288) 網龍，應該係未來五年既高速增長股，回到$8.5至$9.5都會買番D!!!

明燈

在HK$0.166買入既100,000股恆指法巴八零八G認沽證，於2008/04/02以HK$0.095。損失42%或者HK$7100，但期間股票組合已經追回HK$50,000因為對沖作用以失，要對沖要再買第二隻warrant。

點知，放出之後股市即刻回落…. 由買入呢隻Put輪起股市升左五日，由放既一刻股市開始回落，到底我係明燈，定底對衍生工具既認識仲未夠深呢??

三月結

三月一如所料大跌，壞孩子基金繼續錄得虧損。
總結於2008年3月31日
中國銀行(3988)30000股市值$99,600
中國神華(1088)3000股市值$93,300
太古A(0019)1000股市值$87,800
中國中鐵(0390)18000股市值$135,900
中國中材(1893)10000股市值61,300
金山軟件(3888)10000股市值$21,000
SOHO中國(0410)5000股市值$26,200
中國重汽(1808)2000股市值$14,900
遠洋地產(3377)1000股市值$7,650
中國鐵建(1186) 9000股市值$96,300
恆指法巴G8月PW08Put Warrant100,000股市值$13,500
流動負債
負債$65,364
資產淨值HK$592,086
三月份回報率-1.23%%，同期恆生指數回報率-6.09%，表現雖然跑贏大市，但都係要輸。
展望四月次按暴風仲未完，但應該比較三月好少少，尤其係月尾。
仍舊以不變應萬變。

對沖

沽出中國移動(941) 之後，擔心大市進一步下跌，於是買入認沽證(Put warrant) 作對沖(hedge) 。在HK$0.166買入100,000股恆指法巴八零八G認沽證，行使價20,000點，到期日2008/08/28。

食少多教訓

雖然中國移動(941) 應該好穩陣，大市又逐步回升，但對大市方向同氣氛此終欠缺信心。在連升兩日下$113沽出中國移動(941) 短線獲利，食少多教訓，回報率都有5.6%(3000元)。相信黎緊呢幾個月都會以小注短打賺波幅為主。

死亡交叉

死亡交叉出現，即五十天移動平均線跌穿二百五十天移動平均線，根據技術分析，股市將一浪底於一浪，大約於一年後見底。但其實香港有股市以來共出現過十五次死亡交叉，其中只有六次正式死亡，九次係假死亡，而假死亡都係在十幾天內收復二百五十天移動平均線。到底呢次可唔可以收復呢?? 從股市種種信號/消息睇，應該有一次大反彈，但個人覺得應該借反彈盡快離場，唔好等死亡交叉是否確定喇!!

反彈

美國聯儲局公布減息０﹒７５厘，加上高盛業績勝預期，美股大幅反彈超過四百點，港股ADR都大幅上升，預期港股會高開。但受制於內地加準備金率0.5%，加上最近氣氛差，相信好多人會借反彈減持手上股票，估計升幅有界。個人亦相信三月底點並未出現。
今日另一焦點係中移動(0941) 公布業績，相信會勝過預期，增長20%以上。

熊市的投資策略

好多人就以為，熊市的投資策略係轉去買公用股。其實公用股在熊市中上升只係因為初期未確定熊市，投資者轉去買防守性較高既股份所引致。當熊市被廣泛確定，公用股同樣下跌。熊市確定之後，唔好以為買put輪會可以。熊市中衍生工具會冇人接貨，時間值(Time Value)既損失會抵銷番underlying asset(正股) 下跌既利潤。如果夠膽，熊市應該沽期貨(Forward Contract)。如果冇膽或者冇錢，其實應該離場!!

神華

神華的07年全年業績報告顯示，神華去年的經營收入上升25.95%，達821.1億元(人民幣，下同)，主要受惠煤炭收入增加21.3%，至557.4億元；另外，其電力收入亦錄得40.3%增長，至239.2億元。

另外，神華07年來自煤炭業務的經營盈利升近9%，約有180億元；鐵路業務則賺85億元，比06年升31%；至於港口業務則帶來3.8億元盈利貢獻，升95%；發電廠盈利則升30%，至58.7億元。神華定下目標，希望08年的利潤保持穩定增長，盼煤炭銷量增加7.1%至2.24億噸、全年發電量上升22.6%至978億千瓦時。

神華表示，會把今年的資本開支提高33%，至397.8億元，主要用於礦井技術改造，以及提高鐵路的運輸能力，以達致有關目標。

每股派末期息 0.18人民幣及特別息0.3176人民幣

呢個時候，無論業績點好股價都難免下跌!!部份股價已經跌過龍，神華係其中一隻。但呢個時候大家都唔會買，因為所有人都相信，股價會一浪底於一浪!!

失策

小不忍即亂大謀。
今日入市買中鐵建(1186)，第一注$12.22買入4000股，貴左D!!第二注$12.06再買入4000股，都仲跌!!收市$12.00!!買兩注加抽兩手1,000股，平均價$11.98，已經冇乜位可以守!!失策!!
之後，$107買入一手中國移動(941)...亦好似早左D!!!

希望三月既調整已經接近尾聲...

失望

借孖展，申請100,000股(200手)中鐵建(1186) ，結果只得兩手1,000股。極之失望，睇番以往借孖展抽新股既經驗，用恆生申請息口較其他銀行高，但中既股數又較其他銀行少，下次都要考慮轉一轉。
講番今日中鐵建(1186) 上市，由於市場氣氛轉差，預計上市都唔會升超過25%。咁，做長遠投資都買得過。
又睇下點!!

SOHO

SOHO中國公布，截至2007年12月底止全年業績，股東應佔盈利19.66億元(人民幣,下同)，較06年度的3.41億元上升4.77倍，每股盈利0.477元，建議派末期息每股10分；期內營業額升3倍至69.54億元。
照計，盈利上升接近五倍，即P/E都應該下跌五倍至二十倍，應該係一個合理既水平，應該刺激股價上升，但股價今日卻下跌!!
今時今日，無論任何消息都影響唔到股價上升，盈利上升接近五倍都唔得，唔通要升一百倍至得??

中國高速傳動

中國高速傳動(0658) 主要從事研究、設計、開發、製造和分銷廣泛應用於工業用途上的各種機械傳動設備，包括風力發電、船舶、軌道交通、航天、冶金、石化、建築及採礦。風力發電係環保能源項目，受惠於國策，預期盈利會在幾年會有高速增長，但P/E係83倍，相信股價連黎緊幾年既增長都反映埋!! 不過，最近有壞消息傳出….
根據聯交所資料顯示，惠理基金於2月２５日減持中國高速（０６５８）１５０萬股或０﹒１２％，每股作價１３﹒４３元，總值２０１４﹒５萬元，最新持股量４﹒８９％。
中國高速傳動（０６５８）宣布於2月２1日接獲控股股東Ｌｕｃｋｅｖｅｒ的通知，該公司將手持的１﹒５８億股中國傳動股份，相等於已發行股本１２﹒６６％，將當中７０００萬股，相等總股本５﹒６２％予以抵押，為向Ｌｕｃｋｅｖｅｒ作出金額達３億元的循環貸款，以提供保證。
中國高速傳動(0658)亦宣布，3月5日接獲公司最大股東Fortune Apex通知，已將手持3.3億股(約26.48%)中的2,900萬股(約2.33%)，抵押予交通銀行，作為向Fortune Apex作出金額達2億元的循環貸款提供保證。
大股東連番行動，對股價有負面影響，係買貨既時候，宜吸勿搶，入貨價大約$10-11附近。

二月結

二月股市窄幅上上落落， 壞孩子基金繼續錄得虧損。
總結於2008年2月29日
中國銀行(3988)30000股市值$100,200
中國神華(1088)3000股市值$122,400
太古A(0019)1000股市值$90,250
中國中鐵(0390)18000股市值$167,400
中國中材(1893)10000股市值$81,600
金山軟件(3888)10000股市值$24,800
SOHO中國(0410)5000股市值$30,700
中國重汽(1808)2000股市值$18,000
遠洋地產(3377)1000股市值$8,340
現金$2,400
流動負債
負債$46,631
資產淨值HK$599,459
二月份回報率-11.4%，同期恆生指數回報率3.73%，表現大大跑輸大市。
但事實係用左$111,000抽中鐵建，所以實質資產淨值係HK$710,459。回報率係4.96%， 又只係稍稍跑輸大市。
展望三月會係春季三個月之中最衰既一個月，以不變應萬變。

套戥

經濟學上有一個理論，名為”Law of one price” 。一件商品在不同地方的售價，扣除了交易費用之後，應該是相同，否則套戥活動便會出現。

所謂套戥，是指同時買及賣某一種商品，所持的買賣策略是低價買入而高價賣出，以套取差價權利。例如有一件商品在地方A的賣價是10元，而在地方B的賣價為9元，假設交易費用為零，那麼套戥的機會便出現。因為地方A及地方B的同一件商品售價不一，套戥者便會利用低買高賣的策略，在地方B以9元買入該件商品而在地方A以10元沽出，那麼一來一回便能賺取1元。

在上例中，套戥者同時買入（持好倉）及賣出（持淡倉）某商品，因此他的倉位為零。正因為在兩個地方該種商品的賣價不一樣，所以套戥者便有利可圖，以低價購入，高價賣出。加上買與賣同時進行，因此套戥者的風險是有限的。

最近市場出現「疑似」套戥活動，主角係已經上市既中國中鐵(390) 同即將上市既中鐵建(1186) 。有人話，兩隻都係出自中國鐵路局，都係做鐵路工程。中國中鐵(390) 既預測市盈率係五十幾倍，但中鐵建(1186) 預測市盈率只係二十幾倍。如果咁睇法，明顯中國中鐵(390) 貴好多，同一件商品(股票) ，出現兩個價格，套戥機會出現。低買高賣，沽中國中鐵(390) 買中鐵建(1186) 套利。因此，最近中國中鐵(390) 價格持續下跌…

但現實係…中國中鐵係中國中鐵，中鐵建係中鐵建，大家做既工程，管理結構都唔同，始終唔係同一件商品(股票) ，真係可以套戥?? 中鐵建上市之後，市盈率真係會同中國中鐵一樣咩?? 如果唔同，咁套戥機會就永遠出現，o米仲好過印銀紙??

高盛的投資策略

睇免費報紙，有一段講高盛2008投資中資股既策略，同大家分享!!
2008年會係投資困難既一年，美國經濟/次按問題加上內地宏觀調控既因素都影響著港股。投資中資股既策略，可以用IDEA一詞黎總結!!
I -係指抗通脹股份 (Inflation Protection) ，高盛指內地因為雪災，使到農作物失收，農產品價格相信易升難跌，通脹有可能惡化。投資可選擇上游商品(未過提煉既原料如石油，煤炭，貴金屬) ，龍頭消費品(牛奶，糧食品) 或壟斷基建項目相關股份(鐵路，公路，橋，港口，機場等等) 。因為這些股份能轉嫁俾客戶，盈利受通脹影響較小。但小小力認為，內地政府為左穩定物價避免影響民生同社會，會阻止物價上升，尤其係龍頭消費品同燃料。你可以見中國神華(1088) 雪災後不升反跌。呢類龍頭/壟斷基消費品要增加盈利，只可以靠供求上升。當然，在經濟上升期，供求會上升，但在經濟呆滯不前既情況下，呢類股份亦唔係好選擇，因為呢次通脹唔係由經濟帶動!!反而壟斷基建項目相關股份主要接政府項目，唔多受經濟週期影響而較可取!!( 如中國中鐵(390) ，中交建(1800) 等) 。貴金屬又已經狂升，仲點買??
D-係指防守性股份(Defensive) ，係D高息率，低市盈率，高現金流既股份。中資股中，小小力真係睇唔到有邊隻係防守性股份，中資股邊隻會高息率?
E-係指具盈利前景既股份(Earning Visibility) ，係指高現金流，實力雄厚，有盈利又股價偏底既股份。睇黎睇去得一隻中國移動(941) 。
A-係指升值因素(Appreciation) ，係指人民幣升值因素，即係D有大量固定資產(樓或者地) 既中資股。但內地地產股係宏觀調控既打擊目標，點買??
睇完，有咩啟發???
小小力認為係，底價買中國移動(941) ，抽中鐵建囉!!

中鐵建

全球第六大建築工程承包商中國鐵建，其Ｈ股部分已於本月１１日起展開初步推介會，爭取成為鼠年第一隻「先Ａ後Ｈ」上市的新股，港滬兩地集資４０億美元 （約３１２億港元）。

中鐵建港滬上市計劃轉入直路。消息人士透露，該集團已於本月１１日起開始路演，將於下周五（２２日）確定招股範圍，２５日開始路演及國際配股，暫定３月初公開招股、３月１４日在本港主板上市，較原定的２月底前完成兩地掛牌，推遲兩個星期。消息人士指出，中鐵建將引入多位基礎投資者，有關認購的股份禁售期為一年。

據集團初步銷售文件披露，集團計劃發行１７﹒０６億Ｈ股，連同行使超額配股權，最多發行約１９﹒６２億Ｈ股，較其可發行的股數上限２０﹒７億股（行使超額配股權後），減少５﹒２％。

壞孩子基金既策略係將手上現金分兩半，一半用黎借孖展抽IPO，另一半留待第一日上市既時候買，冇目標價，因為打算作長線投資!!

一月結

一月股市小脹急回， 壞孩子基金亦錄得虧損。
總結於2008年1月31日
中國銀行(3988)30000股市值$95,100
中國神華(1088)3000股市值$120,000
太古A(0019)1000股市值$106,000
中國中鐵(0390)18000股市值$152,460
中國中材(1893)10000股市值$63,700
金山軟件(3888)10000股市值$26,900
SOHO中國(0410)5000股市值$33,250
中國重汽(1808)2000股市值$16,000
遠洋地產(3377)1000股市值$7,440
現金$56,030
流動負債
負債$0
資產淨值HK$676,880
一月份回報率-16.4%，同期恆生指數回報率-15.7%，表現稍稍跑輸大市。

上市集資

有消息指，印度基建公司Infrastructure Leasing & Financial Services Ltd(IL&FS)同世界最大既鋁生產商之一俄羅斯既Rusal擬來港上市集資。咁樣可以進一步建立香港國際金融中心既地位。而我就更加睇好港交所(388)，可以跌番去$160先考慮。仲有中國鋁業(2600) ，可以跌番去$10先考慮。

交易策略

講下關於交易策略(Trading Strategies) ，主要有兩種，分別係循勢交易策略(Momentum Strategy) 同逆勢交易策略(Contrarian Strategy) 。
根據Momentum Strategy，過去升開既股票會繼續升。至於Contrarian Strategy則剛剛相反，指出過去升開既股票會跌。當然，財金學學既策略係冇必然性。根據過往既數據，以過往一個月既股票回報作計算，用Momentum Strategy係未來三個月既成功率較高，但三個月至一年則以Contrarian Strategy既表現比較好。所以，你既投資回報期都會影響左你既投資策略。

牛熊分界線

23500 點，即被稱為牛熊分界線，亦於今日失手，恆生指數跌2000 至21757點。 到底熊市又係點呢?

大致上，『熊市』跟『牛市』一樣，亦可分為三期，在經濟活動最蓬勃熾熱的時候，股市十分暢旺，但已隱藏了過熱的危機；股票市場的股價和指數升上了新的高位，這正是『牛市』第三期的時候，亦是『熊市』第一期的前夕；雖然股市看來一片好景，投入股市的群眾也正如痴如醉，但一旦經濟盛極而衰，『熊市』第一期便正式開始．由於在『牛市』第三期投資者持有的股份數量普遍偏高，『熊市』一旦來臨，群眾俟會爭相沽售手上的股份，形成『熊市』第一期的走勢往往是一次迅雷不及掩耳式的急跌，下跌幅度和速度之快，令人咋舌，甚至是恐慌性的拋售，幅度甚至可以大至上一次『牛市』的總升幅三分之一或一半，殺傷力十分龐大．這段時間，投資者入市很易中招，大家還是觀望為上，但如投機於衍生市場的利淡投資工具，如期權市場的賣空期權，或由其他金融機構發行的沽空認股權証，卻是可以獲厚利的時候．

經過『熊市』第一期的洗禮，投資者已變得小心奕奕，同時因為為數不少的輸家退出了股市，令大市成交量明顯減少，大市己明顯沒有『牛市』時般熱鬧，股市經過『熊市』第一期的急速滑落之後，間或有小型的向上走勢，令不少未死心的投資者雀躍不已，可惜這些短暫的上升很快便完結，而且更出現一浪低於一浪的走勢．這正是『熊市』第二期的典型模式，這段期間是像冬天一樣漫長而沉悶的，經濟方面亦未見起色；如果投資者繼續長期持有股份，損失的程度，往往不比『熊市』第一期小，因為在『熊市』第二期拾級而下的走勢，累積跌幅亦往往大出意料之外，而往往投資者在對其中的反彈有所憧憬時入市而有所損失，亦因此加重了持貨量，降低了現金水平，最終錯失了在『熊市』第三期買便宜貨的機會。

捱過了『熊市』第二期之後，大市漸轉入『熊市』第三期；不少投資者已經對股市灰心，完全提不起興趣，令股市成交量趨於淡靜，令不少盈利質素良好的股份，亦長期處於偏低水平，市場的參與者，大部份都是專業的機構投資者；由於很多股份的股價經過長期的拋售潮而致過份偏低，市場上間中便有把上市公司私有化的消息，經濟環境經過一段時間的低潮後，在人們不太為意的態度下，漸有復甦的眉目；有不少先行者已開始在市場靜靜吸納股份，大部份股份的股價已從早前的底價回升，而且再見不到先前的低價水平；至此『熊市』已漸近尾聲，是屬於等待黎明的階段，只要經濟環境好轉，令投資者的投資意慾回升，股市將開始另一輪新的『牛市』，大家要好好把握『熊市』第三期末段的低吸機會，買入優質的股份，持有至新一輪『牛市』，待善價而沽，必可獲取厚利。

但跌穿牛熊分界線係唔係真係代表熊市出現呢??250天線2007年都跌穿過，但熊市都冇在當時出現。所以現時仲係言之尚早，個人相信仲有得跌，但一個月唔夠跌6000點或22%實在太急。當恐懼令散戶盲目散貨，貨入強手，大幅反彈隨之而來。

雪上加霜

踏入2008年，11個交易日中有9有下跌，累積跌3000 點或11%!! 之前已經估計有大調整，但估唔到跌幅大得咁嚇人!! 無論外圍升或跌香港股市都跌。話同次級按揭有關，但同次級按揭冇乜關係既中國內需股都大跌，事件並唔尋常!! 睇趨勢都應該會繼續下調，初步應該會下試23500 點。
晚上，內地再宣佈提升存款準備金率，進一步收緊銀根，壞孩子基金都開始有損失， 真係雪上加霜。
如果買股票只係想賺少少而冇乜長期目標，今年真係千祈唔好買股票!!

趨勢

壞孩子基金改制，改為每月結一次數。更易睇到投資結果同現金流。
個人相信一月效應唔會在今年出現。據統計，如果o個一年一月股票下跌，咁全年下跌既機會亦好大。
現時既情況係，美國公佈既數據好壞參半，美股大跌似乎係大市迫聯儲局大幅減息。一月三十日議息。如果減息四份一厘。大市會再插，但好快又會回到正常。到時大插就係入市既時候。如果減息半厘或以上，大市會反應正面向上，但減息太多將影響金融業收入，美元進一步轉弱，影響資產價值，資金流出經濟死得更快，所以如果減息後又大升，係時間離場。
仲有，今年係美國大選年。如果民主黨勝出，美國戰略石油儲備會大減。需求下跌，如果跌得快過美元，油價會下跌但金價會升。如果跌得慢過美元，油價會橫行金價會跌。結論係唔睇好石油，唔睇好石油股，買金不如買外幣，如澳元。
至於國內，仲有D唔多大路但受國策影響既股票，喜歡高風險高回報既朋友可以留意兵器/軍工業，推介航天科技(0031) ，市盈率28倍，現價$1.37，一年目標$3.00!

心水推介

08年第一隻心水推介既股票係西王糖業(2088) 。呢隻股係07年表現強差人意，因為期間糖價大跌。股價由最高$4.66跌至$3.00水平，之後停滯不前。其實呢間公司好有實力，除稅及股息後盈利由2002年73萬元人民幣升至2006年1.7億元人民幣，年均複合增長率197%。即係平均一年番一番。當然經過早年高速增長之後(02年73萬，03年3700萬，04年7800萬，05年1.2億，06年1.7億)，盈利相對放緩，但以市盈率11倍計，仍屬於落後。估計市盈率係15倍，大約股價$5.4!! 現價$4.00!

抽新股遊戲

今年，繼續玩抽新股遊戲。同去年一樣，我新股唔係隻隻抽，選擇重點出擊。去年只係中國重汽(1808) 一隻要輸。而且去年差不多20%利潤係抽新股中獲得，所以應該小心選擇。初步有以下推介：中國鐵建(內地第二大鐵路建設集團，緊次於中國中鐵) ，太平洋保險(內地第二大財險，緊次於中國財險，第三大壽險，緊次於中國人壽同平安保險) ，中國郵政儲備銀行(內地跟隨中行，工行，建行同農行之後既第五大銀行) ，山西煤炭運銷(內地第三大煤炭商，緊次於神華同中煤) 。

第一章

08年，講真，真係唔係咁睇好。據統計，每次奧林匹克運動會開始前400天，世界股市就開始下跌，慢慢跌到奧運開始就反彈，但主辦國就例外，連反彈都冇!! 你信唔信??
至於有人話今年會升到40000點，你又信唔信?? 我就唔信喇!! 我估今年會在大波幅下倒跌收尾，大約3000點喇!!
咁，又係唔係冇野好投資呢?? 咁又唔係既!! 跌市中都總有D股票係會升既!! 今年既投資項目，短線睇好內地煤炭業同基礎建設，因為配合番國策，而且呢D行業唔多受外圍影響，推介中國神華(1088) ，中國中鐵(0390) ，中國中材(1893) 同中交建(1800) 。中線睇澳元，長線睇中國金融業，推介中國銀行(3988) ，$3.5以下先逐步買。

07年結

總結於2007年12月31日
流動資產
中國銀行(3988)30000股市值$113,400
中國神華(1088)5000股市值$233,000
太古A(0019)1000股市值$107,500
中國中鐵(0390)18000股市值$193,320
中國中材(1893)10000股市值$95,000
金山軟件(3888)10000股市值$40,100
SOHO中國(0410)5000股市值$40,250
中國重汽(1808)2000股市值$24,240
遠洋地產(3377)1000股市值$9,660
流動負債
負債$464,77
資產淨值HK$809,993

不過不失既一年!!

中鐵

某人問，中交建(1800) 好D定中鐵(390)好D。小小力話中鐵。但某人又話中交建有過盈利高增長記錄，但中鐵都冇，唔係中交建好D咩??
咁講，買股票係買將來唔係買過去嘛!! 過去幾好都唔關你事喇!! 至於將來，係唔係中鐵一定好過中交建呢?? 我唔敢講喎!! 不過買賣呢家野唔係睇咩基本分析或者技術分析既。最主要都係睇番供應同需求喇!! 中鐵俾張張報紙吹到上天，需求一定大。IPO既時候抽中既比例又咁底，供應又有限。股價又咩理由唔升呢??
中鐵IPO既時候，小小力計過大約每抽20手先得1手，利潤有限。用margin抽以當時息口就更唔抽得過。於是決定中鐵上市第一日第一口價就買。當日，以每股$6.98買入18000股(18手) ，四日後上到$8.7，小小力帳面已經賺$30000喇!!

關於止蝕

嚴守10%既策略，o係呢幾次大市上上落落中都失敗。係資金帶動既情況下，股票單日波幅往往都超過10%。基金每次底於10%止蝕，股票就立即反彈超過10%!! 今年幾次止蝕都大有損失，反而唔止蝕就冇事，應該點做好呢??

重創

今日相信係基金成立以來最大既單日損失。由於外圍環境轉差，唯有有部份股票止蝕，放出匯豐控股(0005)400股@$136.4，南車時代(3898)6000股@$13.4，復星(656)2000股@$9.83!! 。損失$13260。
最新投資組合：
中國神華(1088):2000股@$46
遠洋地產(3377):1000股@$8.56
SOHO中國(0410):2000股$8.3
暫時都係乜都唔好做喇!!

減持行動第三擊

減持行動第三擊，以＄4.80賣出三手(8000股)中國銀行（3988），回報率23﹪。

減持行動第二擊

減持行動第二擊，以＄49賣出三手(1500股)中國神華（1088），回報率0﹪，後悔中!!

股神

言猶在耳，股神陸東話股市可能調整4000點，今日本來應該大升而升唔起，收市只係升140點，又係出事既時間。下午歐洲一開市已經跌百份之一，到晚上美國開市，仲跌百份之二，港股美國預托證券(ADRs) 平均更跌百份之四。相信明天係港股另一個黑色星期五。
小小力既減持行動仲未完成，只係走左一隻遠洋地產（3377）同一隻基金。暫時冇危險，但應該係走慢一日喇!!
股神即係股神!!

黎明前的黑暗

中國銀行(3988)公布，截至今年9月底止，按國際會計準則編算的9個月股東應佔淨利潤為454.74億元(人民幣,下同)，按年升40.1%，每股收益0.18元，去年同期為0.14元。中行7-9月股東應佔利潤為159.31億元升22.7%，每股收益0.06元。

中行1-9月稅前利潤758.42億元，按年升37.56%。淨利息收入1,105.73億元升26.7%，手續費及佣金收支淨額189.23億元升87.88%，貸款減值損失71.69億元，淨交易損失14.55億元，證券投資淨損失23.28億元。

中行9月底每股淨資產1.64元，去年底為1.51元。總資產為6.02萬億元，較去年底5.33萬億元上升12.91%。

平均股東資金回報率15.18%，去年同期為14.44%。

中國銀行於業績公告中表示，集團為持有的美國次級住房貸款抵押債券及與其相關的債務抵押債券分別增提減值準備1.35億美元和1.87億美元(共計3.21億美元)。截至2007年9月30日，上述債券的準備金餘額分別為1.86億美元(折合人民幣13.95億元)和2.87億美元(折合人民幣21.52億元)。

截至2007年9月30日，集團持有美國次級住房貸款抵押債券的帳面價值為74.51億美元(折合人民幣559.60億元)，與其相關的債務抵押債券的帳面價值為4.96億美元(折合人民幣37.27億元)，分別佔集團證券投資總額的2.86%和0.19%。

中行6月底公布中期業績時，美國次級住房貸款抵押債券及與其相關債務抵押債券價值89.65億美元。

比較起其他中資銀行股如建行(939)，工行(1398) ，交行(3328) 同招行(3968) 既盈利都差，甚至連中信銀行(998) 都好過佢。主要原因係中國銀行35%既業務係海外業務，比他中資銀行都多，所以受美國次級住房貸款抵押影響亦較大。不過，隨著次按問題逐步解決，盈利預期將會回升，現在應該係黎明前既黑暗。不竟，中國既四大銀行，分工清晰，建設銀行做國家建設項目融資，工商銀行為工商業融資，農業銀行為農業發展融資。至於中國銀行，目標應該係為中國打開世界窗戶既投資銀行。例如什麼港股直通車計劃，QDII等等都會由中國銀行先行。所以，相信中國銀行前途無限，適合每次回落中底吸。小小力買入中國銀行既價錢係$3.9! 可以睇長遠。

油價狂升的假象

油價狂升，升至每桶94美元。但唔好忘記其間美元亦狂跌，實質賣石油既購買力變化冇想像中咁大。今次油價狂升同基本供求失衡冇乜直接關係，因此石油輸出國組織(OPEA)亦表示無能為力。美國減息在即，美元將進一步下跌，亦表示金價進一步上升。
油價升，美元跌。對美國以外既國家直接影響有限，但對用美元既美國影響就好大。油價再升會直接影響美國既經濟同美國人既生活。因為美國開終係世界最大消費者，佢地減少消費會對其他國家有好大影響。
亦因此，小小力預期十一月中美元要大反彈，世界股市要大調整。但因為係假象，所以只係大調整冇大熊市。
詳情可以睇番70年代石油危機。

減持行動第一擊

減持行動第一擊，以＄13.66賣出四手(2000股)遠洋地產（3377），回報率60﹪，剩底兩手(1000股)。減持行動陸續有黎!!

復星!福星?

復星(656) 早前公佈業績，半年盈利增長95%。同小小力抽IPO既時候預期差不多，但股價則o係大行唱淡下由高位$13逐步回落到最底$10.18。其實小小力覺得復星其下既上海復地 (2337), 招金礦業 (1818), 同復星醫藥 (滬 : 600196) 盈利都有大改善, 復星絕對唔止值$10.xx。建議底過$11可以買，目標係$16-$18。

再破三萬

恆指再破三萬，而且應該暫時企穩（一星期）。維持進一步上升就減持既策略。壞孩子基金上星期大跌１０００點既時候再買入中國神華(1088)同復星(656) 。
最新投資組合
匯豐控股(0005):400股
中國銀行(3988):8000股
中國神華(1088):1500股
南車時代(3898):6000股
遠洋地產(3377):3000股
SOHO中國(0410):2000股
復星(0656) :2000股
2007年10月26日收市市值$334,685!!有重疊既情況未有改善(兩種銀行股,兩種地產股)調整投資組合目標仍然係保險（中國財險）,航空（南方航空 )同礦業股(招金礦業).

最後的光輝

相信經過十月既過山車式升跌，呢一次既大升市已經接近尾聲。但本著唔估頂既精神，建議過30000點開始逐步減持，直至35000點。第四季即睇好能源，保險同航運業。睇淡銀行同資源股。

食錢壞孩子

養個小朋友真係唔簡單，都未出世已經要洗好多錢。到底養大一個小朋友係唔係真係要四百萬呢?? 基金再抽走$20,000作壞孩子發展之用，資本變番$150,000!

最新投資組合

最新投資組合
匯豐控股(0005):400股
中國銀行(3988):8000股
中國神華(1088):500股
南車時代(3898):6000股
遠洋地產(3377):3000股
SOHO中國(0410):2000股
2007年10月8日收市市值$249,080!!組合投資風險頗大,而且又有重疊
(兩種銀行股,兩種地產股),希望短期內調整投資組合,目標係保險,航空同礦業股.

驚

由於升勢過急，P/E去到80倍。基金於9月28日以＄15.20 放哂手上既中國財險(2328-HK)，回報率60﹪。同時以＄10.92買入四手遠洋地產（3377），加上由IPO得到既兩手，平均價為＄8.56。
十月見步行步。

十月

已經有一個月冇update，其間風高波急，買左既股票冇放(剩下南車時代，中國財險同中國銀行)，未買既又唔敢買。冇消息又冇大事既情況下，抽下IPO!! 抽左遠洋地產同SOHO，可以睇耐D!!

另外，十月又要小心喇!!

基金抽走$30,000作壞孩子發展之用，資本變番$170,000!

南車業績

南車時代電氣公布，截至今年6月底止6個月中期業績，錄得股東應佔溢利1.61億元(人民幣，下同)，較去年同期1.53億元增5.2%，每股盈利15分，不派中期息；期內營業額7.19億元，上年同期為6.34億元。

小小力其實對南車既業績冇乜期望，所以亦唔失望。投資南車主要係買「影子股」概念，因為世界第三大建築公司 -中國鐵路最快第三季上市。

財險前景

轉貼財華社香港新聞中心/記者張國棟2007/08/28報道。
中國財險(2328-HK)自今年初4.5元一直徘徊至6月開始追落後，至8月升至11.6元，不少大型證券行報告早於其在9元水平時已建議沽售，甚至身體力行，即使財險上周公報業績超乎理想，部分大行仍維持建議，只有中資證券行維持較高評級，在個人資金自由行及國內加息的兩大誘因下，6行3保應是這批資金的首選，但投資者應否先選擇財險。

財險6月至8月初股價顯著上升，期間除了追落後之外，上升的主要原因是收購人壽業務有關；但兩周前開始的跌市，除股價太高外，同步受大行降低評級影響，股價無甚支持，於上周更曾跌至低於7元，之後上周五又以9.39元高收，高低位回升上34.1%。

其實，財險在今次跌市中，較其餘兩隻保險股跌幅為大，其中平安保險(2318-HK)較最高位下跌21%，中國人壽(2628-HK)亦只下跌25.2%，財險則是大跌39.6%，可以用大跌來形容，再者，平保和國壽已再創新高，但財險仍在10元以下，是否印證大行唱淡有理。

財險為內地最大的財產保險公司，市場份額達43.8%，上周公布上半年業績大增1.39倍，市盈率大約為32倍，但仍未能打動大行對其評級，其中尤以摩根士丹利及花旗集團為最；摩根士丹利指出，雖然該行已調高其07至09年盈利預測由14%至92%，該股的目標價亦只是由4.12元調升至5.68元，維持沽售建議，同時該行亦身體力行，於8月6日減持9,534萬股，作價10.337元，總值9.89億元，持股量降至10.5%。

至於，花旗集團研究報告則指出，由於財險現價水平已出現超買，加上國內在下半年會出現較多的天災，令到財險的賠付率上升，故建議投資者沽售，目標價為6.35元；另外里昂亦認為財險股價已反映中期業績理想，應該開始沽售獲利，而BNP亦建議減持，目標價為8.32元。

另外兩大行高盛及瑞信對財險維持中性評級，前者調高目標價至8.3元，高盛指財險受惠投資收入及承保利潤增加，預期07及08年承保利潤分別升117%及60%，故調高財險07及08年每股盈利預測分別0.39元及0.41元，而現價已反映大部分利好因素，瑞信給予的目標價為6.2元，反映於現水平有下調空間，但將會再檢討其評級。

看來，各大行認為財險在9元之前應該行人止步，然而中銀國際指財險業績較預期為高，調高財險今年盈利預測25%，由於淨利潤增長較快及壽險業務可望有所發展，故將該股評級上調為優於大市，目標價由10元，上調至12.6元。

財險今年是否沒有消息可炒，再難創新高，難以斷言，因為國內加息及個人資金自由行下，財險受追捧看似是理所當然，加上，財險今年將全面拓展壽險市場，除入股人保壽險28%權益外，亦會在市場尋找機會，以及回歸A股的計劃，這些消息都是未來1、2年的炒作借口，由此看財險再創新高，不是沒可能，較短線的投資者待創新高後，可以先行沽貨，較樂觀的投資者不妨跟隨中銀國際建議在12.6元左右出貨。

小小力覺得，大行唱淡，通常都係因為準備買貨，尤其係大摩，佢唱淡你可以買，佢唱好就準備出貨。至於經濟因素，無可否認壽險較財險滲透率同潛力都較高，前者長遠前景一定較好。但短期受惠國內經濟高速增長，固定資產投資速度遠比個人收入增長快得多，所以相信幾年內財險會跑贏壽險。而且中國財險仲有發行A股呢張皇牌未用!!

無心睡覺

無心睡覺，股市日日升，短時間好似升得過急，整晚想著係唔係應該離場之際，昨夜美國港股急升，中國人壽(2628) 竟然升過$40，一隻咁大既股票竟然可以升兩成，離場既決定又要再諗一諗。
近日，北水南調，A+H股差價概念令某D本地H股股價急升。想講既係，由於中國同香港既會計制度有所不同，盈利既計算方法亦有分別，好難直接去比較股價或者市盈率去話A股貴定H股貴。自己既一個簡單睇法係睇50%差價，即如果A股同H股相差50%以上，就以H股比較平。如果50%以下，就以A股比較平。當然呢個係好General，某D行業睇法可能有D出入。用呢個方法，如果你係買唔到A股，H股貴你就唔好買或者出貨喇!!

鉬業業績

洛陽鉬業(3993)公布，截至2007年6月底止半年業績，股東應佔盈利11.04億元(人民幣,下同)，較2006年同期5.96億元增長85%，期內每股盈利27分，不派中期息，營業額28.82億元，而2006年同期則為14.72億元。
麻麻地, 因為集團毛利率下跌約五個百分點至６２．８％
基金已經完全放出洛陽鉬業, 回報率大約3%!

財險業績

中國財險（２３２８）公布截至今年６月底止半年業績，純利３１﹒８８億元（人民幣．下同），升１﹒４倍，每股基本盈利２８﹒６分，派中期息９﹒１分。

增長同小小力估計既差不多，不過不失。

早了一步

基金於八月二十一日買入以下股票：
株洲南車(3898)6000股@$14.24
洛陽鉬業(3993)6000股@$13.62
中國財險(2328)6000股@$9.54
前兩隻睇中線，後一隻睇短線，但今次買入決定早左D，三隻都可能要等下…!!

風暴未完

小小力相信呢次次級按揭風暴仲未完，餘震逐步減弱。要買平貨仲需要忍耐多一段時間，大約係當美元兌日元去到112既水平，時間應該係大約九月中。投資既地區選擇番亞洲，行業應該係金融業同資源，唔好買消費品，房地產同電信業。至於香港，相信之後息口會稍稍提高，但對整體冇乜影響。

風波

突然之間次級按揭貸款惡化既程度超出小小力預計，有基金中止買賣 我都未驚。但市場係會自己調節適應的，要各國政府注資入市，情況可以比想像中還要差。由於擔心短期會出現較大調整，基金完全徹離本地股票市場。八號風球令本地股票只得半日市，但外圍股市繼續跌接近２﹪。

資金的來源

解釋番資金的來源。因為小小力感覺到危險既來臨，小小力係七月三十日已經放出左所有匯豐新興市場股票動力基金(新興市場將會暴跌) ，加上以月息0.49%向銀行融資，手上增加左20萬現金!! 下次半年結可能有負債一項(如果未還哂！)

增持

基本因素無變下股市大跌，增加左小小力既入市動力。放出左手上短期回報最低既領先動力水資源基金，增持本地股票至下面比例：
香港中華煤氣(0003) ：2000股
中國海洋石油(0883) ：2000股
洛陽鉬業(3993) ：3000股
南車時代電氣(3998) ：2000股
渣打集團(2888) ：100股
復星國際(0656) ：1000股
中國人壽(2628) ：1000股

同一藉口

次級按揭貸款(sub prime mortgage lending) 惡化，日圓利差交易.(Carry Trade) ，油價下跌，令環球股市齊齊大跌。同一藉口，今年年初已經試過一次。同上次一樣，問題一直存在，但投資基本因素不變，所以突然意外地暴跌反而係入市既好時機。小小既基金買入洛陽鉬業(3993) ，復星國際(0656) ，南車時代電氣(3998) 同渣打集團(2888) 。

更換組合

基金o係七月二十五日買入以下股票：
2000股 - 洛陽鉬業(3993)@$17.3
50股 - 渣打集團(2888)@$266.0
同時，放出所有2000股匯豐中國翔龍基金(0820)

長短棍

基金o係七月二十日買入以下股票作中長線投資。
2000股 - 匯豐中國翔龍基金(0820)@$11.72!!
原因係QDII受惠者，長中短線都適宜!!

奇怪的數據

美元貶值，但最新公佈既數據顯示，美國資本竟然錄得強勁淨流入增長。按照常理，美元貶值，會令美元資產變得冇咁吸引，資本正常會流出，但點解今次會相反流入呢?? 我自己想，唯一原因係雖然美元資產唔吸引，但勝在穩定，波幅細，亦即係風險細!! 如果國際性投資者都寧願選擇低回報而避風險，係唔係代表美國境外存在著好大既投資風險呢?? 各位，八月小心。

不升的復星

復星國際(0656) 上市，首日收市只較招股價上升12%，令一眾散戶失望。原因相信有兩個。第一係一人一手基制，首日個個都賣，貨源充足，所以股價難大升。第二係上市前已經提價，令回報下降。相信過一段時間會從回正軌，短期目標$13。

匯豐中國翔龍基金

一隻一半投資Ａ股，受惠於QD II 既基金。如果你買唔到國內Ａ股，但又想從國內Ａ股既暴升中獲利，呢隻基金長線黎講係一隻唔錯既選擇。

投資界普遍認為，Ａ股仍處大牛市，每逢調整均屬入市機會。因應市場對內地Ａ股的憧憬，有消息透露，匯豐即將推出投資於內地Ａ、Ｂ股及本港中資股的交易所買賣基金（ＥＴＦ），名為「匯豐中國翔龍基金」（０８２０），７月（６日）至１１日進行公開認購，７月２０日於港交所（０３８８）掛牌，集資額為４億美元（約３１﹒２億港元），當中一半均會投資於Ａ股市場。風險係當基金總值低於４億港元時，呢隻基金將停止營業營業

翔龍基金為本港首隻不跟隨指數的主動管理及不可贖回的封閉式中國基金。消息指出，翔龍每個基金單位定價為１０港元，當中已包括３﹒５％的首次認購費。以每手為１０００個基金單位計算，連同佣金等手續費，入場費為約１﹒０１萬元，相對Ａ５０中國基金（２８２３）逾１﹒６萬元的入場費便宜；不過，該基金每年將額外收取１﹒５％的管理費用。

07半年結

至07年06月30日
現金：19,649.32
股票
香港中華煤氣有限公司 (0003) ：33,280.00
中國海洋石油有限公司 (0883) ：18,480.00
基金
匯豐新興市場股票動力基金：115,329.41
領先動力水資源基金：59,269.99

基金最初資本：200,000.00
上期淨資產：203,089.68
淨資產：246,008.72
淨盈利：42,919.04

上期(半年)回報率：1.54%
今期(半年)回報率：21.13%
基金成立至今回報率：23.00%
回報率有改善，繼續努力！

復星國際

復星國際(0656)業務多元化, 業務範疇除鋼鐵、地產、醫藥外, 亦涉足零售、證券、礦業等業務。復星 06年3大盈利來源包括鋼鐵（佔 54%），房地產(25%)及醫藥；以資產值計算，現時復星資產 3大地域分佈包括上海（63％），北京( 24%)及杭州( 9%)。

復星國際多年來以私募基金般的方式投資於多間內地公司，復星擁有兩家香港上市公司股權，即復地（2337）及招金（1818），以及 3 家上海 A 股公司。至於非上市資產中，值得留意其直接持有 19.7％股權（另間接持約 6％）的證券公司德邦。此公司以淨資產值計算，是內地最大民營證券公司。 旗下控股公司逾100間, 包括
上海復地 (2337), 業務 : 房地產開發及經營
招金礦業 (1818), 開採金礦
南鋼股份 (滬 : 600282), 鋼鐵
復星醫藥 (滬 : 600196), 醫藥製造
友誼股份 (滬 : 600827), 批發和零售業務
豫園商城 (滬 : 600655), 房地產開發及經營
羚銳股份 (滬 : 600285), 醫藥製造
深圳藥業 (深 : 000028), 醫藥製造

復星06年純利下跌近 20％至 11億元，主要是去年為 A 股公司的股改作出補償，以及土地增值稅的撥備。復星預期今年集團全年股東應佔純利不少於21.51 億元，較2006 年勁升96％，集團計劃將每年盈利的30％，用作派息。

小小力覺得，復星P/E大約22倍，如果盈利勁升，P/E將進一步下降到大約15-16倍，可以作中線投資。

中長線投資

基金o係六月二十二日買入以下股票作中長線投資。
2000股 - 香港中華煤氣(0003)@$16.36，P/E 16.95倍
2000股 - 中國海洋石油(0883)@$8.90，P/E 12.21倍

股市大升的啟示

五月十四日，中央放寬內地居民投資港股，刺激港股急升，成交額 增至九百五十億。小小力既啟示係，股票升到咁高就唔好買喇！但資金 大量流入，令本地貨幣供應過剩，依次令本地有減息壓力，本地貨幣將貶值，係投資外幣既好時機！

鉬價

鉬價過去一個月升成咁,中左洛陽欒川鉬業(3993)都係唔好放喇!!

洛陽欒川鉬業

鉬(Molybdenum)是一種金屬元素，它的化學符號是Mo，它的原子序數是42，是一種灰色的過渡金屬。鉬的純金屬是銀白色，非常堅硬。

鉬通常用作合金及不銹鋼的添加劑。把少量鉬加到鋼之中，可使鋼變硬。它可增強合金的強度、硬度、可焊性及韌性，還可增強其耐高溫強度及耐腐蝕性能。 實驗證明，鉬化合物具有低的毒性，這是鉬區別於其它重金屬的顯著特徵之一。

應用：
鋼鐵及鑄鐵之合金劑, 高溫合金, 工具鋼, 印刷墨, 塗料, 陶瓷等色料, 觸媒, 固體潤滑劑, 火箭及飛機零件, 反應容器, 金屬陶器, 模鑄銅鉬合金, 特殊電池等.

鉬是對植物很重要的營養素，也在一些酶之中找得到。

欒(粵音讀「聯」)川是中國河南省洛陽市的一個地區，經濟水平相對落後，仍屬貧困縣之一，但天然資源豐富，蘊藏金、鉬、鎢、鐵等礦產，亦有天然藥庫之稱，因盛產天麻、麝香等藥材。鉬(粵音讀「目」)是金屬元素，為一種銀白色的堅硬金屬，通常用於煉鋼，因其合成物質可增加鋼鐵硬度、耐熱和耐腐蝕能力等。現時全球鉬藏最豐富的國家，包括中國、美國和智利，其中中國佔近38％。

洛陽欒川鉬業擁有全球最大的鉬礦，儲存量達２０６萬噸。消息人士指洛鉬將發行約１０億股新股， 新股發行比例為２２﹒７３％，總集資額約為６億美元（約４６﹒８億港元）。由於洛鉬為國有企業，因此該股亦會另外發行１０％股份予社保基金。

欒川鉬業從事鉬及鎢等天然資源的開採和加工，公司屬洛陽市政府的國營企業，1999年成立。欒鉬是內地最大的鉬及鎢生產商，去年分別生產498及506公噸的鉬和鎢。由於採鉬業務隨時受內地政策影響，例如過去兩年，中央以污染理由終止若干鉬礦的生產，以致鉬的價格一向較波動。欒鉬保薦人瑞銀的研究報告指出，欒鉬日後要面對的風險，主要亦是來自價格和國家政策。該行估計，鉬的價格會由去年每磅195.8元人民幣(25.11美元)，降至今年預計的175.5元人民幣(22.5美元)。
洛陽欒川鉬業
保薦人 : 摩根士丹利、瑞銀
招股價每股$3.60 - $5.04
25/4公佈抽籤結果，26/4掛牌上市。

投資紐元

昨晚，有消息話伊朗同美國o係波斯灣發生衝突，消息立即刺激油價上升五美元。但期後美國證實冇咁既事，油價立即又回番。地緣政治因素影響油價同金價波動好大。短期唔好諗!!!
想投資紐元，因為昨晚公佈次級按揭貸款問題惡化，問題可能持續幾年。加上消費者信心回落，都影響美元匯價走底。
紐西蘭經過上次加息後，公佈將會再加息，短期紐元升勢形成

買紐元,短期睇好,但現價1 NZD = 5.586 HKD,貴唔貴左D呢

左一巴，右一巴

3月21日，星期三。恒生指數升159.51點，收19516.41。成交468億元。3月期指升241點，收19507點，接近平水。是夜，FED(美國聯邦儲備局)一致通過維持利率在5.25%不變，同時表示仍關注通膨風險。消息刺激，道瓊工業指數收高159.42點,或1.30%，報12,447.52點，標準普爾500指數上漲24.10點，或1.71%,報1,435.04點，Nasdaq綜合股價指數亦收漲47.71點，或1.98%，報2,455.92點。3月22日恒生指數亦受消息刺激半日升237點。市場上大多數投資者又一次估錯市，估會跌落18000點水平既人又一次錯失。但最怕既都係當你認為個市開始番既時候入市但個市又跌番落去。正是「左一巴，右一巴」。


中國糧油控股（606）首日上市，較招股價升49％，收五元五角三仙（最高升60％）。但我個人對佢既長遠發展唔係咁睇好，因為公司只係做整條食品供給線既加工工作。
味千中國( 538) 正式公開招股 ，以 28.3至34.6倍加權平均(weighted-average) P/E 招股，計及新股全面攤薄P/E，應係46.1至56.1倍，超貴!!(面值 ： 每股0.10港元)。廣東省、武漢及成都味千拉麵餐廳 - 深圳味千 ，截至去年9月底 ，23家餐 廳營業額 5950萬元人民幣，但盈利僅得130萬元人民幣，相對集團預測06年盈 利1.1億元人民幣相差好遠。古古怪怪，都係唔好買喇!! 隻隻上市新股都話超額認購幾多幾多倍，都唔知真定假的。
臨時離開港股買基金，買左領先動力水資源基金 -此基金採用動力策略，如果指數趨勢向上且表現穩定的話，基金會透過投資指數的成分股公司及指數期貨長倉，並利用指數期貨的槓桿效應，把指數之參與率提高至最多1.5倍，放大基金的表現﹔相反，若市况轉差，風險水平增加之時，基金減持成分股公司的股票之外，同時增持指數期貨短倉，冀穩定基金之表現。


此基金適合作中長線投資，並不適合作短線炒賣。基金已經開始發售，首次發售期會於4月13日截止，推出日為4月18日。首次認購費最高5％，管理費用每年1.75％，最低投資額為3000美元。

水源

地球的污染日益嚴重，可供人類飲用的水源愈見珍貴。開發乾淨的水源，已成為今日的世界性重要課題，但如果投資者可把握機會，從中發掘投資機會的話，或會是財富的新水源。法興全資附屬公司領先資產管理，日前推出一隻投資於水資源行業的基金，名為領先動力水資源基金。

基金的表現，與世界水資源總回報指數的表現掛鈎。該指數由20隻全球最大的水資源行業股份組成，其中的業務包括水務供應、供水系統和基建及水質處理。指數由道瓊斯公司負責計算，成分股每半年檢討一次，而成分股比重調整則每季一次。截至2月15日為止，指數內的成分股公司，包括有全球市值最大的法國水務供應公司Veolia Environnement、英國水務供應公司United Utilities等。

從世界銀行數據表示，未來10年需要投資約6000億美元於水資源行業，從而解決食水短缺的問題。因此，從事水資源行業的公司會有高增長潛力。

此基金採用動力策略，如果指數趨勢向上且表現穩定的話，基金會透過投資指數的成分股公司及指數期貨長倉，並利用指數期貨的槓桿效應，把指數之參與率提高至最多1.5倍，放大基金的表現﹔相反，若市况轉差，風險水平增加之時，基金減持成分股公司的股票之外，同時增持指數期貨短倉，冀穩定基金之表現。

此基金適合作中長線投資，並不適合作短線炒賣。基金已經開始發售，首次發售期會於4月13日截止，推出日為4月18日。首次認購費最高5％，管理費用每年1.75％，最低投資額為3000美元。
壞孩子基金投資左7500美元，認購費2％。

次級按揭

次級按揭貸款 (sub prime mortgage lending)是金融機構向信用記錄不佳的房屋購買者投放的貸款，有高回報高風險的特性。由於購買者需支付利率比普通貸款高，巨大的利潤促使金融機構大量提高投放金額。
2001年至2005年，美國次級按揭貸款額逐年大幅增加，2005年達到6250億美元之多，比2001年放大了5倍。
然而，由於次級按揭借貸人的信用難以保證，貸款包含的風險因素相當高。美聯儲基准利率在過去3年內連續提高17次，次級按揭所需的供款也逐步攀升，導致低收入借貸人無力支付還款，部分房屋貸款開始轉換成壞賬。
小小力早已經講過，美國人習慣消費，強勁既內在消費支持左美國既國內生產總值(GDP) 。
由於
GDP = C + I + (G – T) + (M – X)
C係 Consumption消費正常佔GDP既60%，但美國更高，因為貿易赤字龐大(M係Import入口，X係Export出口，M – X係Net Export淨貿易差，由於美國生產成本高，入口遠超於出口，所以M – X係一個大負數) ， G係Government政府開支，一般國家/地區如特首所講唔超過20%，但美國就超過小小，主要係支付龐大軍費，T係Tax稅收，由於生產成本高，工業商業都冇進展， T係一個細數，I係Investment，由於經濟唔好，投資者對美元資產失去興趣，I 逐步減少中。但GDP卻有增無減，顯示其中的C必須龐大增長。但市民收入冇乜增長，用乜去支持消費呢?? 冇錯，就係通過用高息去貸款繼續。將房屋再按揭去貸款，這就是次級按揭貸款市場。由於利息收入高，銀行樂於加入次級按揭貸款市場而忘記左風險管理。本來房屋價格如果繼續升係冇問題，但如之前所講，投資者對美元資產失去興趣，房屋價格大跌，咁就大問題。
例子係，你用價值一百萬既房屋抵押去貸款，貸款比率係房屋價格既30%，銀行於是借你三十萬。但期間房屋價格大跌，你既房屋依家只值八十萬，根據規定，你最多借你房屋價格30%，即二十四萬。但你已經借左三十萬，差價六萬你要即刻歸還。房屋價格越繼續跌，你要即刻歸還既錢就越多。但大多人都冇錢還，破產。銀行借出去既錢就變成懷帳(Bad Debt) 。影響盈利(Profit) 同現金流(Cash Flow) 。又由於銀行與銀行之間係有結算往來，一間銀行出事，會影響整個金融體系既穩定性。
題外話，好多亞洲國家如中國/日本，雖然M – X 同 G – T都係正數，但由於C係佔GDP既60%，而亞洲人大多傾向儲蓄，C非常之小，一旦出口縮小，GDP立即會大大減少。所以這些國家會積極鼓勵內消保持GDP穩定增長，因為GDP係向其他人考慮貸款俾呢個國家與否既重要因素。
註 :
C = C0 + C1 * Y
C0係自發的消費(autonomous spending)，同收入冇關，即你冇收入都要既基本消費。
Y係收入。
C1係邊際消費傾向(marginal propensity of consumption) ，即你用收入既幾多黎消費。C1通常大過零細過一，零即唔用收入黎消費，一即用哂收入黎消費。亞洲人既C1接近零，美國人既C1接近一。

請投票

係美國 CNN 網站到，依家正在為慰安婦問題進行投票．．．http://edition.cnn.com/2007/WORLD/asiapcf/03/04/japan.sexslaves.ap/index.html

如您係華人，請按 "Yes" !!! （係左欄果到）

投完票表態後，請 forward email / MSN 比你班 friends．．．．．．

依家竟然得甘少人認為日本需要道歉？（唔知係咪日本仔自己投反對票呢？！）

站起來吧，各地中華民族兒女！！！(

調整未完

本地股市看似止跌回升，但小小力個人相信。一般情況係股市升，金價跌，反之亦然。但現況係股市大跌，金價亦大跌。好似有人將獲利既投資全套現離場。所以個人相信今次調整未完，要買平貨相信買再等一等。

中糧控股

中糧控股入場費3757元

中糧控股（606）

　　中糧控股擬以每股三元一角至三元七角二仙，發行六億九千七百八十四萬六千股，每手一千股入場費三千七百五十七點五元，集資不逾二十六億元，並擬於下周四（三月八日）公開招股，二十一日主板掛牌，高盛及中銀國際任保薦人。

　　有基金經理表示，該股最大賣點在於以玉米提煉乙醇作生物燃料，雖然該業務現佔公司營業額不多，但由於公司持有國家授與的四張營業牌照中的二張，形成壟斷，加上管理層昨承諾會加大該方面業務發展，令其前景向好。

　　中糧控股除預計將成為基金愛股之外，初步招股書披露，日本三菱（MitsubishiCorp）亦斥資七十九億日圓（約五點一五億港元）認購部分新股，禁售期十二個月。去年首三季，純利達五點零七億元，按年急升一點二六倍，並預期全年純利將不少於六點二二億元。

　　公司預測今年資本開支將達三十二點九七億元，按年增近九成，主要用作興建廠房及購買設備，其中發展生物燃料及生化業務的開支有二十一億元。

壯士斷臂

股市又大跌，恆生指數跌７７７ 點 ，成交７２７．６７億元，即月期指數下跌９２３ 點 !

陰氣好重，一口氣破左一百天平均線，有機會逐步再下跌至16300 點，信唔信？

基金放晒手上股票...
渣打集團(2888)@$210
株洲南車(3898)@$12.3
招金礦業 (1818)@$15
累積虧損萬幾港元!!
執筆時金價跌2.2 美元，道指升27點，納指跌2 點，英國富時指數跌37點！

金價大跌

金價昨晚大跌２２美元。跌至６４０美元，總結全星期下跌超過４０ 美元!如果仍然對金價有信心，可以考慮再跌少少既時候入市！個人相信今 次既下跌只係一時既信心問題！

原因不明

本地恆生指數一星期跌1400點，係911襲擊以來最差！至於原因，真係百思不得其 解。油價升，但石油股跌，唔明！美元轉弱，加上油價升，金價應該有支持但冇，金價跌接近３０美元。話中國政府推出政策打壓過熱投資，但中國政府已經澄清冇咁既事。 有突發事件咩？又冇喎！話借日本紙去投資其他市場咩？ 但日本紙低息都唔係今個星期既事！話經濟突然轉差？但又冇Ｄ咁既事! 到抵點解？真係原因不明。